Rusiya MN-dən \"qara qutu\"

Ölkə. az xəbər verir ki, bu gün Rusiya Müdafiə Nazirliyinin mərkəzi ballistik ekspertiza laboratoriyasında Türkiyə qırıcısı tərəfindən vurulmuş rus Su-24 hərbi təyyarəsinin "qara qutusu" açılıb.

Canlı efirə verilən ekspertiza prosesinin nəticəsində məlum olub ki, "qara qutu" ciddi texniki zədə aldığından onun yaddaşını oxumaq mümkün olmayıb.

Rusiya Müdafiə Nazirliyinin rəsmisi bildirib ki, sonrakı ekspertiza beynəlxalq mütəxəssislərin iştirakı ilə keçiriləcək.

Xatırladırıq ki, Suriya ilə Türkiyənin sərhədində baş vermiş bu insident Moskva ilə Ankarını müharibənin astanasına gətirmişdi.

Ölkə.az