Həftənin icmalı
Rabitə Nazirliyində “böyük təmizləmə”
14.12.2015
Rabitə və Yüksək Texnologiyalar Nazirliyinin strukturunda aparılan kadr dəyişikliyi davam edir.
Ölkə.Az APA-ya istinadən xəbər verir ki, nazirin köməkçisi Ehtiram İdris oğlu Kərimov (fotoda - red.) tutduğu vəzifədən azad olunub.
E. Kərimovla yanaşı, nazirliyin ümumi şöbəsinin müdiri İsgəndər Tağıyev də işdən çıxarılıb.
Qeyd edək ki, bundan öncə qurumun aparat rəhbərinin müavini İlham Mərdanov da tutduğu vəzifə ilə vidalaşıb.
Bakıda Rəşid Behbudova heykəl qoyulacaq
14.12.2015
Bakıda Rəşid Behbudovun heykəli ucaldılacaq.
Ölkə.Az-ın APA-ya istinadən verdiyi xəbərə görə, bu barədə R. Behbudovun 100 illik yubileyi ilə bağlı Fəxri xiyabanda keçirilən anım mərasimində mədəniyyət və turizm nazirinin müavini Ədalət Vəliyev bildirib.
Nazir müavini deyib ki, heykəl Bakının ən gözəl yerlərindən birində ucaldılacaq.
Küçədə qışqıranları cərimələyəcəklər — 3500 manata qədər
14.12.2015
Azərbaycanda küçələrdə, istirahət yerlərində, ictimai yerlərdə və yaşayış evlərinin yanında gecə vaxtı səs-küy salanlara, vətəndaşların istirahətinə mane olanlara qarşı cəzalar sərtləşdirilir.
Ölkə.Az xəbər verir ki, APA-nın məlumatına görə, bu, yeni hazırlanmış İnzibati Xətalar Məcəlləsində əksini tapıb.
Azərbaycan və Türkiyənin yüksək rütbəli hərbçiləri Bakıda toplaşdılar
14.12.2015
Dekabrın 14-də Bakıda Azərbaycan-Türkiyə 8-ci Yüksək Səviyyəli Hərbi Dialoq İclası öz işini başlayıb.
Ölkə.Az-a Müdafiə Nazirliyinin mətbuat xidmətindən verilən məlumata əsasən, iclasda nümayəndə heyətləri Siyasi-Hərbi, Maddi-Texniki Təminat və Müdafiə Sənayesində Əməkdaşlıq üzrə yardımçı işçi qruplarında əməkdaşlığın cari vəziyyətini bir daha nəzərdən keçirəcəklər.
Toplantıda, həmçinin qarşıda duran vəzifələrin yerinə yetirilməsi üçün əsas fəaliyyət istiqamətləri müzakirə ediləcək.
Tələbələrin təhsil haqlarının ödənilməsində yenilik
14.12.2015
Vergi, rüsum, icarə haqqı və digər büdcə ödənişlərinin yalnız bank və ya ödəniş kartları vasitəsilə həyata keçirilməsi, həmçinin dövlət orqanları tərəfindən göstərilən xidmətlərə görə rüsumların real vaxt rejimində elektron formada ödənilməsinin təmin edilməsi məqsədi ilə Azərbaycan Mərkəzi Bankı tərəfindən yaradılmış “Hökumət Ödəniş Portalı”nın (HÖP) infrastruktur imkanlarının genişləndirilməsi daim diqqət mərkəzində saxlanılır.
Rusiya Xocalı soyqırımını tanıyacaqmı?
14.12.2015
Azərbaycan diasporu RF Dövlət Dumasına müraciət edib.
Azərbaycanın Rusiyadakı diasporu Xocalı faciəsinin soyqırımı kimi tanınması üçün Rusiya Dövlət Dumasının sədri Sergey Narışkinə müraciət edib.
Müraciətin müəllifləri Dövlət Dumasının sədrini Xocalıda törədilən kütləvi qətllərin soyqırımı kimi tanımağa çağırıblar.
“Təəssüf ki, indiyədək Dövlət Duması Xocalı faciəsinin soyqırımı kimi tanınması məsələsini müzakirə etməyib. Bu isə Rusiya azərbaycanlıları arasında və Azərbaycanda ciddi narazılığa səbəb olur”, - deyə müraciətdə bildirilir.
Dəbdəbəli qəbir daşlarına son
14.12.2015
Azərbaycanda vahid qəbiristanlıq qaydalarının tətbiqi ilə bağlı qanun layihəsi üzərində iş aparılır.
Ölkə.Az xəbər verir ki, bu barədə Trend-ə Yeni Azərbaycan Partiyası icra katibinin müavini, Milli Məclisin İctimai birliklər və dini qurumlar komitəsinin sədri Siyavuş Novruzov deyib.
S.Novruzov bildirib ki, bununla bağlı ayrı-ayrı ölkələrin təcrübəsi öyrənilir:
“Orta Asiya ölkələrində, Avropa ölkələrində də belə təcrübə var. Hazırda bu təcrübələri öyrənirik, məsləhətləşmələr aparırıq”.
SOCAR: “Günəşli” yatağında bir quyuda yanğın söndürülüb
15.12.2015
“Günəşli” yatağındakı 10-cu dərin dəniz özülündə baş verən yanğın nəticəsində quyulara keçən yanğın yaxın günlər ərzində tamamilə lokallaşdırılacaq.
Ölkə.Az xəbər verir ki, bu barədə APA-ya SOCAR-dan məlumat verilib.
“Yanğın bir neçə quyuya keçib. Yanğının söndürülməsi istiqamətində Fövqəladə Hallar Nazirliyi və ABŞ-ın “Boots and Coots” şirkətinin mütəxəssisləri birgə addımlar atır.
Bayram ərəfəsində ətin qiyməti qalxdı
15.12.2015
Yeni il ərəfəsində ətin qiymətində artım müşahidə olunur.
Ölkə.Az Trend-ə istinadən xəbər verir ki, Bakının müxtəlif ərazilərində yerləşən ət kəsimi yerlərində və dükanlarda ət fərqli qiymətlərlə satılır.
Məsələn, Binəqədi və Masazırda yerləşən ət kəsimi yerlərində mal ətinin 1 kiloqramı 7 manata satıldığı halda, Bakının mərkəzi hissələrində qiymətlər fərqlidir.
Metronun "Elmlər Akademiyası" stansiyasının yaxınlığındakı ət kəsimi dükanlarında mal ətinin 1 kiloqramı alıcılara 8 manat, bəzən isə 8 manat 50 qəpiyə satılır.
Azərbaycanda qadın çatışmazlığı yarana bilər
15.12.2015
Azərbaycanda diri doğulanların cins strukturunda 1990-cı illərin əvvəllərindən oğlan uşaqlarının artımı müşahidə olunur. Hazırda hər 100 doğulan qıza 117 oğlan düşür. Doğulan uşaqların cins nisbəti (hər 100 qıza düşən oğlanların sayı) bioloji normaya uyğun olaraq 105-106 olub.
Bunu əmək və əhalinin sosial müdafiəsi nazirinin müavini İdris İsayev ölkədə doğulan uşaqların cins nisbətinə dair demoqrafik proqnozların təqdimatı ilə bağlı keçirilən tədbirdə çıxışı zamanı deyib.
Onun sözlərinə görə, ötən il Azərbaycanda doğulan 171 min uşaqdan 46,4 faizini qızlar, 53,6 faizini oğlanlar təşkil edib:
İtkin düşmüş şəxslərin siyahısı yeniləndi
15.12.2015
Atəşkəs haqda razılaşmadan 20 ildən çox keçməyinə baxmayaraq ailələr hələ də Dağlıq Qarabağ münaqişəsi zamanı itkin düşmüş əzizlərinin taleyindən bixəbərdir.
Bunu aydınlaşdırmaq yönündə səylərinin bir hissəsi kimi, Beynəlxalq Qırmızı Xaç Komitəsi (BQXK) münaqişə tərəflərinə Bakı və İrəvan nümayəndəliklərinin və Dağlıq Qarabağdakı missiyasında qeydiyyatdan keçirilmiş 4496 nəfər itkin şəxsin adı olan yenilənmiş siyahı təqdim edib.
Yasamalda ABŞ vətəndaşı öldü
15.12.2015
Azərbaycanda özəl şirkətlərdən birində aqronom vəzifəsində işləyən ABŞ vətəndaşının meyiti tapılıb.
Ölkə.Az “Report”-a istinadən xəbər verir ki, 57 yaşlı Robert Riçartsonun meyiti onun Yasamal rayonu, İnşaatçılar prospektində kirayə yaşadığı mənzildə aşkarlanıb.
Meyitin müayinəsi zamanı ABŞ vətəndaşının ürəktutmadan öldüyü məlum olub.
Gürcü yazıçının "Azərbaycanlıların soyqırımı" kitabı təqdim olundu
15.12.2015
Azərbaycan Respublikasının Batumi şəhərindəki Baş Konsulluğu tərəfindən tarix elmləri doktoru Quram Marxuliyanın müəllifi olduğu “Azərbaycanlıların Soyqırımı” kitabının təqdim etmə mərasimi keçirilmişdir.
Tədbirdə kitabın müəllifi,Azərbaycan Respublikasının Prezidenti cənab İlham Əliyev tərəfindən “Tərəqqi” medalına layiq görülmüş, tarix elmləri doktoru Quram Marxuliya, Batumi Dövlət Universitetinin professoru, hüquq elmlər doktoru, Rostom Quntaişvili, həmçinin həmin universitetin pedoqoji heyəti və muxtar respublikanın Azərbaycan icmasının rəhbəri Vidadi Axundov və icmanin nümayəndələri iştirak etmişlər.
“Heydər” məscidi gündəlik ibadətə açıldı
15.12.2015
Bakı şəhəri, Binəqədi rayonu ərazisində yerləşən "Heydər" məscidi gündəlik ibadət üçün açılıb.
Ölkə.Az xəbər verir ki, bu barədə "Report"a Qafqaz Müsəlmanları İdarəsi (QMİ) sədrinin müavini, Bakı İslam Universitetinin rektoru, "Heydər" Məscidi Kompleksi İdarəsinin sədri Hacı Sabir Həsənli məlumat verib.
Onun sözlərinə görə, məsciddə gündəlik namazlar qılınır. Şiə əhlinin qıldığı namaza Bakı İslam Universitetinin məzunu Hacı Rüfət Qarayev axundluq edir. Sünni camaatına isə Hacı Hafiz Abbasov imamlıq edir.
Azərbaycanda "donuz qripi" ilə bağlı son vəziyyət açıqlandı
15.12.2015
Azərbaycan Səhiyyə Nazirliyi Respublika Taun Əleyhinə Stansiyasına (RTƏS) bu günədək adi qrip adı altında daxil olan nümunələr üzərində aparılan müayinələr nəticəsində “donuz qripi”nə şübhəli hal, “donuz qripi”nin törədici olan H1N1 virusu tapılmayıb.
Ölkə.Az xəbər verir ki, bunu Trend-ə Azərbaycan Səhiyyə Nazirliyi RTƏS-in laboratoriya müdiri Musa Cahanov deyib.
M.Cahanov bildirib ki, qrip xəstəliyinə yoluxan insanlardan götürülən nümunələr onların müraciət etdiyi tibb müəssisələri tərəfindən RTƏS-ya çatdırılır və burada müayinələr aparılır. Bu müayinələrin nəticəsi tibb müəssisələrinə təqdim edilir.
Laboratoriya müdirinin sözlərinə görə, “donuz qripi”nin (H1N1 virusu) əlamətləri adi qripin əlamətlərinə oxşayır: "Bu xəstəlik zamanı yüksək temperatur, öskürək, boğazda ağrı, əzginlik, baş ağrısı, titrəmə, bəzən isə ishal və qusma olur. Bu xəstəlik adətən, yüngül əlamətlərlə başlayır, amma xəstəliyin ağırlaşması da mümkündür".
Ərzaq məhsulları bahalaşıb
15.12.2015
Ərzaq məhsullarının qiymətində artım qeydə alınıb.
Bakının ərzaq malları satılan mağazalarında qiymət artımını açıq şəkildə görmək mümkündür. Belə ki, Masazır qəsəbəsində fəaliyyət göstərən iki "Araz market"də və sözügedən ərazidəki digər bir neçə marketdə aparılan müşahidələr bunu deməyə əsas verir. 200 qramlıq Rusiya istehsallı “Kalinka” yağı 20 qəpik bahalaşıb.
Unun da qiymətində bahalaşma müşahidə olunur. Bir ay öncə 1 kiloqramı 35 qəpiyə olan “Karmen” unu hazırda alıcılara 40 qəpiyə təklif olunur. Bahalaşma konfetlərdən də yan keçməyib. Məsələn, əvvəllər 8 manat 50 qəpiyə satılan Rusiya istehsalı “Monblan” konfetləri indi 9 manat 50 qəpikdən aşağı deyil.
Azərbaycanda 10 aya 10 mindən çox şəxs boşandı
15.12.2015
Bu ilin yanvar-oktyabr ayları ərzində ölkədə 138,4 min körpə doğulub və əhalinin hər 1 000 nəfərinə hesabı ilə bu göstərici 17,4 təşkil edib.
Ölkə.Az xəbər verir ki, bu barədə Dövlət Statistika Komitəsinin (DSK) yanvar-noyabr ayı üzrə açıqladığı hesabatda deyilib.
“Doğulan körpələrin 53,3%-ni oğlan, 46,7%-ni qız uşaqları təşkil edir. Doğulan körpələrdən 2 516-sı əkiz, 72-si isə üçəmdir.
Cari ilin 10 ayı ərzində 45,5 min ölüm halı qeydə alınıb və əvvəlki ilin müvafiq dövrü ilə müqayisədə əhalinin hər 1000 nəfərinə ölüm səviyyəsi 5,9-dan 5,7-yə qədər azalıb”, - deyə komitədən bildirilib.
Bundan başqa, qeydiyyat şöbələri tərəfindən ölkədə 58,3 min nikah və 10,7 min boşanma halları qeydə alınıb, əhalinin hər 1 000 nəfərinə nikahların sayı 7,3, boşanmaların sayı isə 1,3 təşkil edib.
İşəgötürənlərin nəzərinə — Cərimələr 40 dəfə artır
15.12.2015
Azərbaycanda əlilləri və sağlamlıq imkanları məhdud olan 18 yaşınadək şəxsləri kvota üzrə işə götürməyənlər 2000 manata qədər cərimələnəcəklər.
Ölkə.Az xəbər verir ki, Milli Məclisdən Trend-ə verilən məlumata görə, bu məsələ yeni hazırlanan İnzibati Xətalar Məcəlləsi layihəsinə daxil edilib.
Yeni layihəyə əsasən, müvafiq icra hakimiyyəti orqanı tərəfindən göndərilmiş əlilləri, sağlamlıq imkanları məhdud olan 18 yaşınadək şəxsləri və sosial müdafiəyə xüsusi ehtiyacı olan digər şəxslərin onlar üçün kvota üzrə müəyyən olunmuş iş yerlərinə qəbul edilməməsinə, habelə dövlət büdcəsinə vəsait köçürülməməsinə görə 1000 manatdan 2000 manata kimi cərimə tətbiq ediləcək. Hazırda isə bu cərimənin məbləği 50 manatdan 90 manatadəkdir.
Azərbaycanda tanınmış vəkil vəfat etdi
16.12.2015
Azərbaycanın tanınmış vəkillərindən biri olan Elton Quliyev vəfat edib.
APA-nın xəbərinə görə, bu barədə vəkil Adil İsmayılov “Facebook” səhifəsində yazıb. E. Quliyev uzun müddət xərçəng xəstəliyindən əziyyət çəkib.
Qeyd edək ki, 1956-cı il təvəllüdlü E. Quliyev 1977-1991-ci illərdə Bakı şəhər Daxili işlər idarəsində və Azərbaycan SSR Daxili İşlər Nazirliyində müstəntiq, baş müstəntiq, İstintaq bölməsinin rəisi, istintaq idarəsinin rəis müavini vəzifələrində çalışıb.
1991-ci ildə öz istəyilə daxili işlər orqanlarından çıxıb.
1996-cı ildən Azərbaycan Respublikası Vəkillər Kollegiyasının üzvü olub.
Ləğv edilən MTN-nin Akademiyası necə fəaliyyət göstərəcək?
16.12.2015
Ləğv edilən Milli Təhlükəsizlik Nazirliyinin Heydər Əliyev adına Akademiyasının gələcək fəaliyyətinin hansı şəkildə qurulacağı məsələsinə aydınlıq gətirilib.
Trend-in məlumatına görə, Milli Təhlükəsizlik Nazirliyinin əsasında yaradılan Dövlət Təhlükəsizlik Xidmətinin nümayəndəsi Arif Babayev ANS TV-yə müsahibəsində bildirib ki, bundan sonra Akademiya Azərbaycan Dövlət Təhlükəsizlik Xidmətinin Heydər Əliyev adına Akademiyası kimi öz fəaliyyətini davam etdirəcək.
Azərbaycanda tanınmış qəzetlərdən biri rəsmən ləğv olundu
16.12.2015
Azərbaycanda tanınmış qəzetlərdən biri rəsmən ləğv olunduğunu elan edib.
APA-nın məlumatına görə, "Paritet" qəzetinin redaksiyasının ləğv olunduğu barədə qərar rəsmi qəzetdə dərc olunub.
Qeyd edək ki, “Paritet” qəzeti 1999-cu ilin avqust ayının 17-də yaradılıb, həftədə 3 dəfə işıq üzü görüb. Qəzet fəaliyyətini faktiki olaraq 2012-ci il dekabrın 20-də dayandırıb.
Ziya Məmmədov BMT-nin nümayəndəsi ilə görüşdü
16.12.2015
Bu gün Nəqliyyat Nazirliyində BMT-nin Azərbaycan Respublikasındakı Rezident Əlaqələndiricisi Antonius Bernardus Brukla görüş keçirilib.
Bu barədə Ölkə.Az-a Nəqliyyat Nazirliyindən bildirilib.
Görüşdə Nəqliyyat naziri Ziya Məmmədov nəqliyyat-yol kompleksində həyata keçirilən layihələr, həmçinin beynəlxalq təşkilatlarla nəqliyyat sahəsində əməkdaşlıq barədə qonağa məlumat verib.
Antonius Bruk Azərbaycanda fəaliyyət göstərdiyi müddət ərzində BMT ilə əlaqələrin yüksək səviyyədə davam etdiyini və gələcəkdə bu əməkdaşlığın daha da inkişaf edəcəyinə əmin olduğunu bildirib.
BDU-nun qalmaqallı mühafizə rəisi işdən çıxarıldı
16.12.2015
Sosial şəbəkələrdə Bakı Dövlət Universitetinin mühafizə xidmətinin rəisi Mahir Höcətovla bağlı müxtəlif məlumatlar yayılıb.
Ölkə.Az xəbər verir ki, məsələni dəqiqləşdirmək üçün modern.az-ın əməkdaşı Bakı Dövlət Universitetinin Mətbuat Xidməti ilə əlaqə saxlayıb. Mətbuat Xidmətindən bildirilib ki, bu gün məsələ rektorluqda ciddi müzakirə olunub:
“Müzakirə əsnasında M. Höcətov tutduğu vəzifədən azad olunması xahişi ilə müraciət edib və onun müraciəti təmin olunub”.
Azərbaycan yeni silahların istehsalına başlayır
17.12.2015
Müdafiə Sənayesi Nazirliyinin (MSN) müəssisələrində istehsal olunan hərbi təyinatlı məhsulların çeşidi artırılıb, Azərbaycan Silahlı Qüvvələrinin müasir silah növləri ilə təmin edilməsi üçün zəruri addımlar atılıb. Trend-in məlumatına görə, bunu Müdafiə sənayesi naziri Yavər Camalov “Azərbaycan” qəzetində nəşr olunan məqaləsində deyib.
Nazir bildirib ki, 2006-2015-ci illərdə müdafiə təyinatlı məmulatların yaradılması və istehsalının mənimsənilməsi məqsədilə aparılan tikinti və yenidənqurma işləri nəticəsində nazirliyin müəssisələrində 50-dən çox yeni istehsal sahəsi yaradılıb.
Y.Jamalov qeyd edib ki, Nazirliyin fəaliyyəti dövründə 1000 addan çox müdafiə təyinatlı məmulatın və onların ehtiyat hissələrinin istehsalı mənimsənilib
ABŞ Konqresində Dağlıq Qarabağ münaqişəsinin həlli müzakirə olunacaq
17.12.2015
ABŞ Konqresində Dağlıq Qarabağ münaqişəsinin dinc yolla həllinə dair müzakirə təşkil olunacaq.
APA-nın “news.am” saytına istinadən verdiyi məlumata görə, Nümayəndələr Palatasının Xarici əlaqələr komissiyası gələn ilin yanvarında bağlı qapılar arxasında Dağlıq Qarabağ məsələsini müzakirə edəcək. Bunu ABŞ-dakı “Ay Data” erməni təşkilatının nümayəndəsi Elizabet Çulcyan deyib. O bildirib ki, müzakirəyə ATƏT-in Minsk Qrupunun həmsədri Ceyms Uorlik də dəvət olunub: “Biz istərdik ki, müzakirələr açıq olsun. Hələlik komissiyanın sədri bu haqda heç nə deməyib”.
Azərbaycanda işsizlərin sayı açıqlandı
17.12.2015
2015-ci il dekabrın 1-i vəziyyətinə ilkin məlumatlara əsasən iqtisadi fəal əhalinin sayı 4 milyon 907,8 min nəfər olub, onlardan 4 milyon 672,8 min nəfərini iqtisadi əmək fəaliyyəti ilə məşğul olan əhali təşkil edib.
Bu barədə Dövlət Statistika Komitəsindən (DSK) Ölkə.Az-a bildirilib.
2015-ci ilin yanvar-oktyabr aylarında bir işçiyə düşən orta aylıq işlənmiş iş saatlarının miqdarı 152,1 saat təşkil edib.
2015-ci il dekabr ayının 1-i vəziyyətinə məşğulluq xidməti orqanlarıtərəfindən ölkə üzrə rəsmi işsiz statusu verilmiş şəxslərin sayı 29 min nəfər olub, onların 38,6%-ni qadınlar təşkil edib. İşsizliyə görə müavinətin orta məbləği 268,5 manat olub.
Nardaranda növbəti əməliyyat: daha 5 nəfər saxlanılıb
18.12.2015
Bakının Nardaran qəsəbəsində hüquq-mühafizə orqanları növbəti əməliyyat keçirir.
Trend-in məlumatına görə, bu gün səhər saatlarında Daxili İşlər Nazirliyinin Mütəşəkkil Cinayətkarlıqla Mübarizə İdarəsi, Bakı Şəhər Baş Polis İdarəsi və Sabunçu rayon Polis İdarəsinin əməkdaşlarının keçirdikləri əməliyyat-axtarış tədbirləri nəticəsində qəsəbə ərazisindən silah-sursat, narkotik maddələr aşkar edilib. Əməliyyat zamanı hadisədə təqsirli bilinən daha 5 nəfərin saxlanıldığı bildirilir.
Bakıda keçiriləcək “Formula-1" yarışlarına xərcələnəcək pulun məbləği açıqlandı
18.12.2015
“Formula-1 böyük yarışdır. Bu dünyada keçirilәn 21 böyük yarışdan biridir və bu dəfə Bakıda baş tutacaq”.
Qafqazinfo xəbər verir ki, bunu Azərbaycanın Gənclər və idman naziri Azad Rəhimov bu gün keçirdiyi mətbuat konfransında deyib. Onun sözlərinə görə, yarış zamanı asfaltın uzunluğu 6 km olacaq: “Bir maşın bu asfaltı 51 dәfә keçәcәk. Azarkeşlәr üçün biletlәr sabahdan satışa çıxarılacaq. 30 min bilet satışa çıxarılamlıdır. Yarışlardakı yollar üçün 12 milyon manat pul xәrclәnәcәk. Әmәliyyat komitәsi 5 milyon xәrclәyib. 300 metrlik Pit Stop inşa edilәcәk. Müxtәlif işlәr görülcәk. Baryerlәr vә setkalar olacaq. Dәqiq büdcә 3 aydan sonra bәlli olacaq. Biletlәrin qiymәti 19 manat olacaq. Bizim әsas işimiz odur ki, bu biletlәrin satışın tәşkil edәk”.
A. Rəhimov deyib ki, dövlәt tәrәfindәn bu yarışa dәstәk var vә büdcә vasitәsilә yarış tәşkil olunur. Azәrbaycan vәtәndaşlarına isə biletlәrdә 40 faiz endirim olacaq.
Ziya Məmmədov Xızıda vətəndaşları qəbul etdi
18.12.2015
50-dən çox vətəndaşın müraciətinə yerində baxılıb.
Prezident İlham Əliyevin göstəriş və tövsiyələrinə müvafiq olaraq nəqliyyat naziri Ziya Məmmədov dekabrın 18-də Xızıda qəbul keçirib.
Ölkə.Az xəbər verir ki, nazir Ziya Məmmədov Abşeron, Siyəzən və Xızı rayonlarından olan vətəndaşları qəbul edərək onların müraciətlərini, şikayət və təkliflərini dinləyib.
Nardaranlılara kompensasiya veriləcək
18.12.2015
Nardaran qəsəbəsində yolların genişləndirilməsi ilə əlaqədar söküntü ərazisinə düşən mülkiyyət sahiblərinə kompensasiyalar veriləcək.
Bunu Trend-ə açıqlamasında "Azəryolservis" Açıq Səhmdar Cəmiyyətinin mətbuat xidmətinin rəhbəri Anar Nəcəfli deyib.
Onun sözlərinə görə, hazırda bununla bağlı sənədlər toplanılır. A.Nəcəfli qeyd edib ki, bütün sənədlər toplanandan sonra aidiyyatı qurumlara təhvil veriləcək: “Bütün işlər qanunvericiliyə uyğun aparılır. Sənədləşdirmə işləri Sabunçu Rayon İcra Hakimiyyəti və "Azəryolservis" Açıq Səhmdar Cəmiyyəti tərəfindən həyata keçirilir. Sənədləşdirmə zamanı mülkiyyətləri genişləndirilən yolun ərazisinə düşən əmlak sahibləri sözügedən məsələlərlə bağlı məlumatlandırılır”.
Hərbçilər dəfn ediləndə tabutları dövlət bayrağı ilə örtüləcək
18.12.2015
1994-cü ildə qəbul edilən nizamnamənin 18-ci fəsli yeni redaksiyada verilib.
Milli Məclis Azərbaycanın hərbi qulluqçuların dəfn qaydalarının dəyişdirilməsi layihəsini qəbul edib.
Ölkə.Az Report-a istinadən xəbər verir ki, bununla bağlı məsələ “Azərbaycan Respublikası Silahlı Qüvvələrinin Qarnizon və qarovul xidmətləri nizamnaməsi”ndə dəyişikliklər edilməsi haqqında” qanun layihəsində öz əksini tapıb.
"Azərpoçt"un 3 filialının rəhbəri işdən çıxarıldı
18.12.2015
"Azərpoçt" MMC-nin 3 filialının rəhbəri işdən qovulub.
"APA-Economics"ə daxil olan xəbərə görə, Quba, Neftçala və Qazax rayon poçt filiallarının rəisləri fəaliyyətində yol verdiyi nöqsanlara görə tutduğu vəzifələrindən azad olunublar.
Bildirilir ki, bu addım Rabitə v Yüksək Texnologiyalar Nazirliyində aparılan islahatlar çərçivəsində atılıb: "Fəaliyyətində nöqsanlara yol verən "Azərpoçt" MMC-nin filial rəislərinin siyahısı var. Yaxın günlərdə digər siyahıda adları olan filial rəhbərləri də işindən azad olunacaq".
Azərbaycanda yeni hakim təyinatları olub
18.12.2015
Azərbaycanda bir neçə məhkəməyə yeni hakimlər təyin edilib.
Trend-in məlumatına görə, bu barədə qərar Milli Məclisin bu gün keçirilən iclasında qəbul edilib.
Belə ki, Ali Məhkəmənin hakimi Tapdıq Mahmudov Gəncə Apelyasiya Məhkəməsinin hakimi vəzifəsinə təyin edilib.
Bundan əlavə, Bakı, Sumqayıt və Şirvan Apelyasiya məhkəmələrinə də hakimlər təyin edilib.
Sərhədlərimiz möhkəmlənir
18.12.2015
"Keşikçi dağ" sərhəd zastavası kompleksi istifadəyə verilib
Bu gün Şəmkir Sərhəd Dəstəsinin “Keşikçi dağ” sərhəd zastavası kompleksi istifadəyə verilib.
Rabitə və Yüksək Texnologiyalar Nazirliyində “Microsoft” ilə birgə İşçi qrup yaradılır
18.12.2015
Rabitə və yüksək texnologiyalar nazirinin səlahiyyətlərini icra edən Ramin Quluzadə dekabrın 18-də “Microsoft” korporasiyasının Mərkəzi və Şərqi Avropa ölkələri üzrə baş meneceri Maykl Koqler ilə görüşüb.
Trend-in məlumatına görə, görüşdə Azərbaycanın dövlət qurumlarında istifadə olunan “Microsoft” proqram təminatlarının lisenziyalaşdırılması və bu məsələdə Rabitə və Yüksək Texnologiyalar Nazirliyinin tərəfdaş kimi çıxış etməsi, elektron imza alqoritmlərində yeni texnologiyaların tətbiqi müzakirə olunub.
Maykl Koqler bildirib ki, “Microsoft” Azərbaycanla əməkdaşlığa və bu əməkdaşlığın genişləndirilməsinə maraqlıdır.
“Vətəndaşların müraciətləri haqqında” qanun müzakirə olundu
19.12.2015
“Vətəndaşların müraciətləri haqqında” Azərbaycan Respublikasının Qanununun icrası ilə bağlı irəli gələn vəzifələr Nəsimi Rayon İcra Hakimiyyətində geniş müzakirə olunmuşdur.
Yığıncaqda rayon İcra Hakimiyyətinin, sahə inzibati ərazi dairəsi üzrə nümayəndəliklərin, mərkəzi icra orqanlarının yerli strukturlarının rəhbərləri və dövlət qulluqçuları, bələdiyyə qulluqçuları, rayon kommunal və xidmət sahələrinin nümayəndələri iştirak etmişdir.
Naxçıvanda Dövlət Təhlükəsizlik Xidməti yaradıldı, xidmətə rəis təyin olundu
19.12.2015
Naxçıvan Muxtar Respublikası Ali Məclisinin sədri Vasif Talıbov Naxçıvan Muxtar Respublikası Milli Təhlükəsizlik Nazirliyi əsasında Naxçıvan Muxtar Respublikası Dövlət Təhlükəsizlik Xidmətinin yaradılması barədə fərman imzalayıb.
APA-nın məlumatına görə, V. Talıbovun sərəncamı ilə Fazil Ələkbərov Naxçıvan Muxtar Respublikası Dövlət Miqrasiya Xidmətinin rəisi vəzifəsindən azad edilərək Dövlət Təhlükəsizlik Xidmətinin rəisi təyin edilib.
Qeyd edək ki, Naxçıvan Muxtar Respublikası milli təhlükəsizlik naziri, general-mayor Vəli Ələsgərov olub.
Ölkə.az
