Politoloq: \"Qərb Rusiyanı Türkiyənin əli ilə vurmaq istəyir\"

Rusiya hərbi təyyarəsinin vurulmasını həzm edə bilmir

Rusiya tərəfi yenə də inadkarcasına iddia edir ki, hərbi təyyarələri Türkiyənin hava sərhədini pozmayıb.

Bununla bağlı Rusiya vurulan təyyarənin qara qutusunu açıb və nəticələrini dekabr ayının 27 açıqlayacaq. Rusiya tərəfi iddia edir ki, Türkiyə Rusiya hərbi təyyarəsini vurmaqla ABŞ-a yaltaqlanıb. Ağ Evin mətbuat katibi Coş Ernest Türkiyənin Rusiya təyyarəsini ABŞ-a yaltaqlanmaq üçün vurmasına dair iddiaları cəfəngiyyat adlandırıb. Ağ Ev rəsmisi bildirib ki, ABŞ Türkiyənin hava məkanını qorumaq hüququnu dəstəkləyir.

Putin isə verdiyi sonuncu mətbuat konfransında Türkiyəni açıq şəkildə təhqir və təhdid edib. NATO, Qərb və ABŞ Türkiyənin yanında olacaqlarını bildirsə də hələki ciddi bir addım atmayıb.

Baş verən son prosesləri politoloq Qabil Hüseyinli Ölkə.Az-a şərh edib:

"Putinin son çıxışı məni çox təəccübləndirdi. Putin mətbuat konfransı keçirən dövlət başçısı yox, türklərdə bir söz var "kabadayı", mafioz, sanki hansısa bir məhlənin qoçusu kimi danışırdı. İstifadə edilən jarqonlar bütün diplomatik qaydalardan tamamilə uzaq idi. Elə bil ki, Putin dünyanın taleyini necə istəyirsə, elə də həll etməyə gəlmiş və buna da xüsusi icazə verilmiş bir adamdır. NATO-ya daxil olan ölkə başçılarından Putinin ünvanına qınaq mesajı gözləyirdim. Ancaq Ağ Evin mətbuat xidməti səviyyəsidə bu msələyə reaksiya çox azdır. Dünya bu cür cəngəllik qanunları ilə idarə edilməyə başlasa siyasi rəqiblər bir-birini mətbuat, televiziya vasitsi ilə söymyə başlayacaq. Bu cür əxlaq formasının praktikaya gətirilməsinə hər formada mane olmaq lazımdır. Putinin Türkiyə rəhbərliyinin ünvanına səsləndirdiyi fikirlərə gəldikdə, adama elə gəlir ki, Putin mətbuat konfransına sərxoş vəziyyətdə çıxmışdı.

Baş verənlər çox təəssüfləndiricidir. Ona görə ki, NATO Türkiyəni meydanda tək qoyub. Rusiyanın tələbi ilə İncillik bazasında yerləşdirilmiş, Türkiyənin sərhədlərini qorumaq üçün nəzərdə tutulan 17 ABŞ təyyarsi yenidən ABŞ-a qaytarıldı. Türkiyə bundan sonra daha ehtiyatla hərəkt etməlidir. Ərdoğan da sağa-sola qılıncını fırlatmamalıdır. Ərdoğan İsrail və digər qonşu dövlətlərlə münasibətləri pozub. Artıq Türkiyə yenidən münasibətləri barəpa etmək haqqında İsraillə razılığa gəlib.

Bəziləri deyir, Putin dünənki çıxışı ilə olub qalan körpüləri də yandırdı. Belə fikirdəyəm ki, Putinin dünənki şantajı, hay-küyü özünün reytinqinə hesablanıb. Türkiyə Gürcüstan tipli dövlət olsa idi, Rusiya onunla hərbi qalmaqala gedərdi. Türkiyə ilə Rusiya hərbi qalmaqala getməz. Əgər bu olsa Rusiya çox böyük ziyanla üzlşə bilər.

Putinin cavabına olan reaksiyasızlıq göstərir ki, Qərb doğurdan da Rusiya ilə Türkiyənin qarşı qarşıya gəlməsini istəyirmiş. Qərb Rusiyanı özünün bir nömrəli düşməni hesab edir, ancaq onu Türkiyənin əli ilə vurmaq istəyir. Qərbin bu hərəkəti həm Türkiyəyə, həm də Rusiyaya olan münasibətidir. Qərb Rusiya ilə Türkiyəyə olan münasibətlərində heç bir fərq qoymur".

Səxavət Məmməd
Ölkə.Az