Öldürüldüyü iddia edilən azərbaycanlı müğənni barədə YENİ XƏBƏR
Azərbaycanlı müğənni Albina Pyakşevanın Meksika-ABŞ sərhədində öldürülməsi barədə məlumat yayan Bakı Caz Festivalının direktoru Leyla Əfəndiyeva yeni açıqlama yayaraq, müğənninin sağ olduğunu bildirib.
"Ölkə.az" xəbər verir ki, Leyla Əfəndiyeya bu barədə "Facebook" hesabında paylaşım edib.
"Əzizlərim, yeni bir xəbər aldım. Albina sağdır", - deyə o paylaşımında yazıb.
***
Azərbaycanlı müğənni Albina Pyakşeva dünyasını dəyişib.
"Ölkə.az" xəbər verir ki, bu barədə Bakı Caz Festivalının direktoru Leyla Əfəndiyeva Feysbuk hesabında yazıb.
"Albina Pyakşeva (1993-cü il təvəllüdlü) Meksika ilə ABŞ sərhədində keçid məntəqəsini keçmək istəyərkən öldürülüb", - paylaşımda bildirilib.
Qeyd edək ki, Pyakşeva Bakı Caz Festivalı çərçivəsində gənc ifaçılar arasında keçirilən "I am Jazzman" müsabiqəsinin finalçısı olub, "Səs Azərbaycan" ("Azərbaycanın səsi") proqramında iştirak edib.
