İŞİD ABŞ-la İranı danışıqlar stolu arxasına qaytardı

Ağ Evin nümayəndələri İranın yüksək vəzifəli şəxsləri ilə İŞİD-ə qarşı birgə mübarizənin mümkünlüyünü müzakirə ediblər.

Ölkə.Az xəbər verir ki, dövlət departamentinin mətbuat xidməti bu xəbəri təsdiq edib. 

"Bu cür danışıqlar bu həftə ərzində qeyri-rəsmi formada aparılıb",-deyə mətbuat xidmətindən bildiriblər. Lakin müzakirənin təfərrüatları barədə heç bir məlumat verilməyib.

Xatırladaq ki, son günlər İranın nüvə layihəsi ilə bağlı danışıqlar davam edirdi. Görünür ki, Ağ Evin nümayəndələri paralel olaraq İŞİD-lə mübarizədə İranın dəstəyini almaq istəyiblər. 

İŞİD hazırda Suriyanın üçdə bir hissəsini və İraqın bəzi bölgələrini nəzarətə alıb. Terror qruplaşmasının tərkibində təqribən 20-30 min döyüşçünün olduğu ehtimal olunur. 

Rəşid Mustafazadə

Ölkə.Az