Blatter və Platini futboldan uzaqlaşdırıldılar

Beynəlxalq Futbol Federasiyasının prezidenti Yozef Blatter və Avropa Futbol Assosiasiyaları İttifaqının rəhbəri Mişel Platini hər biri 8 il müddətində futboldan uzaqlaşdırılıblar.

Ölkə.az xəbər verir ki, FİFA etika komitəsinin qərarı ilə bu iki futbol bosu 8 il müddətində idmanın bu sahəsindən uzaqlaşdırılıblar.

Xatırladırıq ki, bu ilin may ayında İsveçrənin Sürix şəhərində FİFA prezidentliyinə seçkilərdən əvvəl təşkilatın 7 yüksək vəzifəli rəhbər işçisi rüşvət şübhəsi ilə həbs edilmişdilər.

ABŞ məhkəməsinin qərarı ilə həyata keçirilən həbs dünya idman ictimaiyyətini şoka salmış, məsələyə siyasi dairələr də qarışmışdılar.

ABŞ Ədliyyə Nazirliyinin məlumatına görə, bu şəxslər 24 il ərzində həyata keçirdikləri müxtəlif maxinasiyalardan 150 milyon dollar rüşvət pulu qazanıblar.

Ölkə.az