İqbal Ağazadə: "Hakimiyyət müxalifətlə bu böhranı müzakirə etməlidir"

"Artıq ölkədə iqtisadi böhran baş verib"

Bunu Ölkə.Az-a Ümid Partiyasının sədri İqbal Ağazadə deyib.

İqbal Ağazadənin sözlərinə görə, iqtisadi böhranın nəticəsində manat kəskin ucuzlaşıb.

Partiya sədri böhrandan çıxış yolu kimi bildirdi ki, yeni iqtisadi doktrina həyata keçirməlidir. Ölkə iqtisadiyyatı tək bir sahə üzrə inkişaf edirsə, başqa sahələrə, xüsusilə əhalinin iş tapa biləcəyi və pul qazana biləcəyi sahələrə diqqət ayırmalı idi. Düzdür, bu artıq çox gecdir, ancaq vəziyyət çıxılmaz deyil.

İqbal Ağazadə daha sonra bildirib ki, hakimiyyət müxalifətin bir kəsimi ilə masa arxasına oturub, bunları müzakirə etməlidir.

Qeyd edək ki, 21 dekabrda Mərkəzi Bank üzən valyuta siyasətinə keçdikdən sonra manatın məzənnəsi 50% aşağı düşmüşdü.

Səxavət Məmməd
Ölkə.Az