Dünya liderləri İlham Əliyevi təbrik ediblər

Çin Xalq Respublikasının sədri Si Cinpin Azərbaycan prezidenti İlham Əliyevi doğum günü münasibəti ilə təbrik edib.

Si Cinpinin məktubunda deyilir:

“Hörmətli cənab prezident, ad gününüz münasibətilə sizə ən səmimi və xoş arzularımı bildirirəm. Bu yaxınlarda Çinə çox uğurlu dövlət səfəri etdiniz. Çin və Azərbaycan arasında ikitərəfli münasibətlər, birgə maraq doğuran beynəlxalq və regional problemlər barədə sizinlə geniş fikir mübadiləsi apararaq, mühüm ümumi nəticələrə gələ bildik. Əminəm ki, birgə səylərimiz nəticəsində ölkələrimiz arasında münasibətlər daha yüksək səviyyəyə qalxacaq, xalqlarımızın rifahına xidmət göstərəcək. Sizə möhkəm cansağlığı və ali dövləti fəaliyyətinizdə uğurlar arzu edirəm”.

İ. Əliyevi ad günü münasibəti ilə həmçinin Türkmənistan prezidenti Qurbanqulu Berdiməhəmmədov, Özbəkistan prezidenti İslam Kərimov və Belarus prezidenti Aleksandr Lukaşenko təbrik ediblər.