Qaçqınlar boğuldu

Xilasedicilər 13 nəfəri xilas edib, 2 nəfər hələ də axtarışdadır

Ölkə.Az xəbər verir ki, Egey dənizində qayığın batması nəticəsində 10 qaçqın boğularaq dünyasını dəyişib.

"Reuters"in xəbərinə əsasən, onlardan 5 nəfər uşaqdır. Hadisə Farmakonisi adası yaxınlığına baş verib. Xilasedicilər 13 nəfəri xilas edib, 2 nəfər hələ də axtarışdadır.

Avropanın "Frontex" sərhəd agentliyi bəyan edib ki, bu ilin ilk 9 ayında Avropa İttifaqı ölkələrinə 710 min miqrant daxil olub. Avropa Komissiyası isə bildirib ki, hazırda İkinci Dünya Müharibəsi dövründən bu günə qədər yaşanan ən böyük miqrasiya böhranı yaşanır.

Rəşid Mustafazadə

Ölkə.Az