\"Baku City Circuit\"da bir gün
Sakinlər Formula 1 komandalarının eksponatları ilə tanış ola və həqiqi Formula 1 avtomobili ilə şəkil çəkdirə bilərlər
Ölkə.Az xəbər verir ki, dekabrın 19-da Formula 1 Avropa Qran Prisi ilə bağlı Dənizkənarı Milli Parkda əyləncə mərkəzi təşkil olunub.
Sözügedən mərkəz paytaxt sakinləri tərəfindən maraqla qarşılanıb və gün ərzində minlərlə insanın ziyarət etdiyi kiçik Formula 1 dünyasında əyləncə və maarifləndirmə işi ən yüksək həddə çatıb.
Hər gün 15:00-dan 17:00-dək Bakı Şəhər Halqası Əməliyyat Şirkətinin nümayəndələri könüllülər proqramına maraq göstərən hər bir vətəndaşla görüşüb, qeydiyyat və könüllü fəaliyyəti ilə bağlı suallara cavab verməyə hazırdırlar.
Milli Formula 1 azarkeşlərinin marağını nəzərə alaraq, bulvar ərazisində təşkil olunan əyləncə məkanı 27 dekabr, Bazar günü axşam saat 22:00-a qədər hər kəsin üzünə açıq olacaq.
Əməkdaşımız həmin məkandan fotoreportaj hazırlayıb. Həmin fotoları təqdim edirik:
Fotolar: Çinarə Vahabzadə
Ölkə.Az