Facebook üzr istədi

Facebook sosial şəbəkəsi istifadəçilərin birindən üzr istəyib.
Norveçdə yaşayan və tutulduğu xəstəlik səbəbindən sifət quruluşu dəyişən qara dərili gənc Embert Henosk facebook-da şəklini yerləşdirib. Lakin facebook həmin gəncin şəklini şəbəkədən silib.

Belə ki, bir neçə həftə əvvəl Embert xəstəlik nəticəsində üz quruluşu dəyişmiş şəklini facebook-a qoyub. Lakin ötən gün sosial şəbəkəyə girən gənc şəklinin silindiyini və “bu şəkil facebook qaydalarına ziddir” yazılmış cümləni görüb.

Bundan təsirlənən gənc isə facebookda bunları yazıb: “Özümü təhqir edilmiş kimi hiss etdim”.

Məsələ mediada yayılandan sonra Facebook açıqlama verərək həmin gəncdən üzr istəyib və şəkli yenidən bərpa edib. (anspress)