Devalvasiya çörəyin çəkisini də azaltdı

Bəzi yerlərdə çörəyin qiyməti qalxdı, bəzi yrlərdə isə çörəyin çəkisi azaldı.

Böyük marketlərdə 40 qəpiklik çörəyin qiyməti 50 qəpik olub. Məhəlləarası marketlərdə isə çörəyin qiymətinin dəyişmədiyi müşahidə edilir.

Ölkə.az-ın əldə etdiyi məlumata görə, bunun səbəbi unun qiymətinin qalxmasındadır. Taxılın böyük bir hissəsini xaricdən idxal edən Azərbaycanda devalvasiya ilə əlaqədar unun da qiyməti qalxıb. Çörəyin çəkisini dəyişməyən çörək zavodları istehsal etdiyi çörəyin satış qiymətinə 10 qəpik əlavə ediblər. Bəzi çörəkbişirmə müəssisələri isə qiyməti stabil saxlamalarına baxmayaraq çörəyin çəkisini azaldıblar.

Xatırladırıq ki, çörəyin qalxmasına səbəb unun 1 kisəsinin 5-7 manat qalxması olub.

Qeyd edək ki, Azərbaycan una olan tələbatını əsasən Qazaxıstandan və Rusiyadan aldığı taxılla ödəyir.

Səxavət Məmməd
Ölkə.Az