Aksyonov: \"Krımın kurortları Türkiyə və Misiri əvəz edə bilməz\"

Krımın Rusiya tərəfindən təyin edilmiş başçısı Sergey Aksyonov sensasion bəyanatla çıxış edib.

Ölkə.az xəbər verir ki, Moskva ilə arası dəyən Aksyonov yarımadanın Rusiya tərəfindən işğalından sonra heç bir iqtisadi layihənin həyata keçirilmədiyini bildirib.

"Biz aradan keçən bir il ərzində Krımın iqtisadiyyatını lazımi səviyyəyə qaldıra bilmədik. Turizm infrastrukturunu inkişaf etdirə bilmədik. Krımın turizm potensialı çox zəifdir, amma Türkiyə və Misir uzun illər bu sektoru inkişaf etdirdiklərinə görə, biz onlara rəqib ola bilməyəcəyik", deyə Aksyonov vurğulayıb.

Xatırladırıq ki, Türkiyə ilə Rusiyanın münasibətlərinin qırılması nəticəsində Moskva rus turistlərə dincəlmək üçün bu ölkəyə gəlməyə məhdudiyyətlər qoydu. Hazırda rusların böyük hissəsinin daxili kurortlarda dincələcəyi təxmin edildiyindən artıq Rusiyanın Qara dəniz sahillərindəki pansionat və mehmanxanaları qiymətləri 30%-dən çox qaldırıblar. Krımdakı sanatoriyalar da qiymətləri indidən qaldırdıqlarını elan ediblər.

Ölkə.az