ABŞ Suriyada hərbi çevriliş etmək istəyirdi

ABŞ prezidenti Barak Obamanın administrasiyası bir neçə il boyu Suriya hökumətinin nümayəndələri ilə gizli məsləhətləşmələr aparıb.

Ölkə.Az xəbər verir ki, bu fikirlər "The Wall Street Journal" qəzetində yer alıb.

Yazılanlara əsasən, bu cür gizli danışıqların məqsədi Yaxın Şərqin bu ölkəsində hərbi çevrilişin həyata keçirilməsinə yardım etməkdir. Mənbələrin verdiyi məlumata əsasən, Vaşinqtonun Suriya rejiminin elementləri ilə əlaqələri Bəşər Əsədin hakimiyyətdən uzaqlaşdırılması ilə nəticələnməli idi.

"Əvvəldən ABŞ hərbi çevrilişi reallaşdırmaq üçün rejimdə zəif yerləri axtarırdı, ancaq onlar kifayət etmədi", - deyə "The Wall Street Journal" yazır.

Xatırladaq ki, Suriya böhranının müzakirəsi üçün tərəflər yanvarın 22-də İsveçrənin Cenevrə şəhərində bir araya gələcək. Bu barədə Suriya Milli Şurasının (SUK) sədri Georq Sabra məlumat verib.

İsveçrədə aparılan danışıqlar BMT-nin vasitəçiliyi ilə keçirilir.

Rəşid Mustafazadə

Ölkə.Az