"Atəşkəsin bitib-bitməməsini Seyran Ohanyan həll etmir"

Erməni tərəfi atəşkəsin bittiyini bildirib

Ölkədə manatın ucuzlaşması ilə yanaşı həm də bir tərəfdən də cəhbə xəttində gərginlik davam edir.

Gərginlik o həddə çatıb ki, erməni tərəfi atəşkəsin bittiyini, artıq açıq döyüşlərin getdiyini bildirir. Azərbaycan tərəfi isə onsuz da ərazi bütövlüyümüz tam təmin olunmayana qədər müharibənin bitmiş sayılmadığı qənaətindədir. 

Baş verən son hadisələri hərbi ekspert Üzeyir Cəfərov Ölkə.Az-a şərh edib:

"Ermənistan tərəfinin artıq "atəşkəs bitti" kimi fikirləri onların təlaş içində olmasından xəbər verir. Ermənilər artıq verdikləri çoxsaylı itkiləri çəkib sosial şəbəkələrə yerləşdirirlər. Atəşkəsin bitib-bitməməsini Seyran Ohanyan həll etmir. Atəşkəs iki dövlət arasında bağlanmış müqavilədir. Müqavilə Bişkekdə imzalanıb. O müqavilənin bitməsini yalnız iki dövlətin başçıları elan edə bilər. Kim deyirdi ki, müqavilə bitib? Azərbaycan öz ərazi bütövlüyünü bərpa etməyənə qədər müharibə bitmiş sayılmır. Bizim Müdafiə Nazirliyinin cavabı da məni qane etdi".

Qeyd edək ki, "Bişkek protokolu" - Qarabağ müharibəsi vaxtı cəbhə bölgəsində atəşkəsi nəzərdə tutan, bir növ siyasi müraciət və ya sülhə çağırış məqsədli və hüquqi xarakter daşımayan sənəddir. Bu sənədin imzalanması nəticəsində 1994-cü il mayın 12-də cəbhədə atəşkəsə nail olunub.

Səxavət Məmməd
Ölkə.Az