Alimlər beyində "yenidən yükləmə düyməsi" aşkarladılar

"Ölkə.az" xəbər verir ki, elmi iş "Neuron" jurnalında dərc olunub.

Tədqiqatçılar şəkillərin ardıcıllığını yadda saxlayarkən, beynin kontekst dəyişikliklərinə necə reaksiya verdiyini öyrənmək üçün funksional MRT və göz bəbəyinin izlənilməsi üsullarından istifadə ediblər. Məlum olub ki, "hadisə sərhədləri" adlanan əhəmiyyətli keçidlər zamanı "locus coeruleus"da bəzən yaddaşların seqmentasiyası ilə müşayiət olunan qısa bir fəaliyyət partlayışı müşahidə olunur: sərhədin müxtəlif tərəflərindəki hadisələr ayrı ayrılıqda yadda qalır.

Alimlər təxmin edirlər ki, daimi narahatlıq zamanı beyin, məsələn, travma sonrası stres pozğunluğu və ya Alzheymer xəstəliyində olduğu kimi yaddaşın quruluşunu poza bilən vacib siqnallara cavab verməyi dayandırır.(Oxu.az)