Rusiyada BBC-nin çəkiliş qrupu hücuma məruz qaldı
Rusiyanın Astraxan şəhərində BBC-nin əməkdaşlarına hücum ediblər
Ölkə.Az xəbər verir ki, BBC-nin müxbiri Stiv Rozenberqin bildirdiyinə görə, Astraxan şəhərində teleşirkətin Moskva ofisinin əməkdaşları hücuma məruz qalıb.
Onun sözlərinə görə, jurnalistlərin səfərinin məqsədi Ukrayna ərazisində həlak olmuş rus əsgərlərinin gizli qəbirləri haqqında material hazırlamaq olub.
Çəkiliş qrupu avtomobilə yaxınlaşmaq istəyərkən 3 nəfər naməlum şəxsin hücumu ilə üzləşib. Operatoru döyərək kamerasını əlindən alan şəxslər hadisə yerindən uzaqlaşıblar.
Rozenberq bildirir ki, jurnalistlər 4 saata yaxın yerli polis şöbəsində sorğu-sual olunublar. Bu vaxt isə kimsə onların avtomobilinə daxil olaraq kameranın yaddaş kartındakı materialları silib. O qeyd edib ki, hazırda jurnalistlər Moskvada təhlükəsiz şəraitddədirlər.
Rəşid Mustafazadə
Ölkə.Az
