Azərbaycandakı devalvasiya Hadisəni də vurdu

Azərbaycandakı devalvasiya məşhur müğənnini də vurub.

Azərbaycanda dörd gün əvvəl baş vermiş devalvasiya məşhur müğənniyə də təsir edib.

Ölkə.az xəbər verir ki, məşhur türk müğənnisi, Azərbaycan tamaşaçıları arasında da çox populyar olan Hadisənin Qubada nəzərdə tutulan konserti ləğv olunub.

Qubadakı beş ulduzlu otellərdən birində Yeni İl konserti ilə çıxış edəcəyi planlaşdırılan Hadisənin böhrandan sonra ölkəmizə gəlməyəcəyi bildirilib.

Qubadakı həmin otelin rəhbərliyi ilə bir gecəsi 250 min dollara razılaşan Hadisənin artıq bayram gecəsi Hatay şəhər meriyasının təşkil etdiyi konsertdə çıxış edəcəyi haqda xəbər yayılıb.

Məlumata görə, manatın qəfil devalvasiyasından sonra Qubadakı otelin rəhbərliyi planladığı Yeni il şənliyini də ləğv edib.

Ölkə.az