Elza Seyidcahan intihar edən tələbəsi haqda danışdı

“Ailəsinin yeganə övladıydı, özü də ailəliydi, iki qız atasıydı”.

Bu sözləri bəstəkar-müğənni Elza Seyidcahan intihar edən tələbəsi, müğənni Elvin Ordubadlı barəsində “Yeni Müsavat”a danışarkən bildirib. Elza Seyidcahan hələ ki, onun hansı səbəbdən intihar etdiyinin məlum olmadığını deyib:

“Anası hazırda çox əsəbi və gərgin vəziyyətindədir. Odur ki, əlaqə saxlasaq da, Elvinin intihar səbəblərini öyrənə bilmədik. Bu xəbərdən çox pis olmuşam. Allah rəhmət eləsin”.

Xatırladaq ki, bu gün müğənni Elvin Ordubadlı özünü binanın 5-ci mərtəbəsindən atıb. E.Ordubadlı “Azərbaycanın səsi” musiqi yarışmasında iştirak edib. Bundan başqa, müğənni Azərbaycanı 2014-cü ildə “Türkviziya” musiqi yarışmasında Elza Seyidcahanın bəstələdiyi “Divlərin yalnızlığı” mahnısı ilə təmsil edib.

Ölkə.Az