Yaponiya müdafiə xərclərini dördüncü dəfə artırdı

Çinə qarşı ABŞ ilə hərbi əməkdaşlığı artıran Yaponiya müdafiə sahəsinə ayrılan vəsaiti dördüncü dəfə artırıb. Baş nazir Şinzo Abenin liderliyi ilə yapon kabineti 2016-cı ilin aprelindən başlayacaq yeni maliyyə ili üçün hazırlanan və təxminən 800 milyard dollarlıq büdcənin 42,1 milyard dollarını müdafiə sahəsinə ayırıb.

Ölkə.Az axar.az-a istinadən xəbər verir ki, 2016-cı ildə rəsmi Tokio ABŞ-dan Pilotsuz Uçan Aparatlar (PUA) və F-35 döyüş təyyarələri alacaq.

Yeni ildə müdafiə büdcəsində 1 ədəd “İdjis” radar təchizatı, 3 ədəd “Qlobal Havk” PUA, 6 ədəd F-35 döyüş təyyarəsi və bir Boinq KC-46A təyyarəsi almaq nəzərdə tutulub. Bununla yanaşı, ölkədəki 50 min ABŞ hərbçisinə ayrılan 1,6 milyard dollar da hərbi xərclərə daxildir.

Büdcədə yer alan digər xərclər arasında dünyanın ən böyük sualtı qayılarından birinin inşası, yeni dəniz radarının hazırlanması, 17 helikopter və 36 ədəd tank alınması da daxildir.

Ölkə.Az