Roma papası "İslam Dövləti"nin hədəfində

Ölkə.Az The Telegraph-a istinadən xəbər verir ki, bu bəyanatı İraqın Vatikandakı səfiri Həbib əl-Sədr yayıb.

Yaxın günlərdə pontifikin Albanıyaya bir günlük səfər edəcəyi gözlənilir.

 

İraq diplomatının fikrincə, Roma papasının həyatı üçün ciddi təhlükə var və bu təhlükə islamçılar tərəfindən qaynaqlanır.

Əl-Sədr sui-qəsdin Roma papasının noyabrdakı Türkiyə səfəri zamanı həyata keçiriləcəyini də istisna etmir. İraqın səfirinin iddia etdiyi kimi, "İslam Dövləti"-nin döyüşçüləri Roma papasını qətlə yetirmək fikrindədilər.

"Düşünürəm ki, onlar onu xarici səfərlərin birində və ya Romanın özündə öldürə bilərlər. İD-in elə üzvləri var ki, onlar ərəb yox, kanada, amerikan, fransız, britaniya, italyan əsillidirlər. İD onlardan birini bu terror əməliyyatına cəlb edə bilər."- deyə Əl-Sədr qeyd edib.

Səfirin sözlərinə görə, Fransisk Suriyada və İraqda hüquqları pozulan xristianları müdafiə etdiyi üçün islamçıların hədəfinə çevrildi.

Lakin rəsmi Vatikan pontifikin həyatına təhlükənin olması haqda heç bir məlumatın olmadığını söyləyib.

Xatırladaq ki, Roma papası Fransisk Üçüncü dünya müharibəsinin artıq başladığını söyləmişdi.