Kim Çen İni görmək istəyərkən həbs edildi
Cənubi Koreya hərbçiləri üzərək Koreya Xalq Demokratik Respublikasının ərazisinə daxil olmaq istəyən ABŞ vətəndaşını saxlayıblar
Ölkə.Az "Renhap" agentliyinə istinadən xəbər verir ki, 30 yaşlı amerikalı vətəndaş Kim Çen İnla görüşmək məqsədilə səfərə çıxıbmış.
Amerikalı Kengido vilayətinin Kimpho şəhərinin ərazisində yerləşən Hanqan çayı üzərində üzürmüş. Dənizçilər amerikalını elə iş başında olarkən yaxalayıblar.
Agentliyin yaydığı məlumata görə, amerikalı Bakı vaxtılə 19:55-də Şimali Koreya ilə sərhəddə yerləşən çayı üzərkən saxlanılıb.
Sorğu-sual zamanı məlum olub ki, ərəb əsilli ABŞ vətəndaşı şəxsən Kim Çen Inla görüşmək üçün bu cür hərəkətə əl atıb. Hələlik bu yeganə məlumatdır.
Cənubi Koreyanın Müdafiə nazirliyi amerikalının saxlanılması faktını təsdiq edib.
Rəşid Mustafazadə
Ölkə.Az
