“Putin NATO”sundan Qarabağda müharibə təhlükəsi haqqında

“Orda artıq ağır silahlar, tanklardan istifadə olunur”.

Kollektiv Təhlükəsizlik Müqaviləsi Təşkilatının (KTMT) katibi Nikolay Bordyuja bəyan edib ki, Azərbaycan və Ermənistan qoşunlarının təmas xəttində vəziyyət ciddi narahatlıq doğurur və münaqişənin gərginləşməsinin qarşısını almaq lazımdır.

“Biz bu gün Qafqazda baş verənlərə böyük həyəcanla baxırıq – xüsusilə də Qarabağ münaqişəsi, təmas xəttindəki vəziyyətlə bağlı olaraq. Orada artıq ağır silahlar, tanklar tətbiq olunur, insan itkiləri var.

Hesab edirəm bizim dövlətlərin siyasi resursundan heç bir halda vəziyyətin gərginləşməsinə yol verməmək üçün istifadə olunacaq ki, bu gün onsuz da kifayət qədər isti mərhələdə olan münaqişə böyükmiqyaslı hərbi toqquşmalara keçməsin”, - deyə, o, bildirib.

Onun sözlərinə görə, bu perspektiv bütün Qafqazı təhdid edir.

Bordyuja həmçinin vurğulayıb ki, dövlət başçılarının nüfuzundan istifadə edərək, “ilk növbədə siyasi metodlarla” hərəkət etmək lazımdır.

O, KTMT iştirakçılarını vəziyyətin qaydaya salınması və atəşkəsin bərqərar olması üçün səy göstərməyə çağırıb. (oxu.az)

Ölkə.Az