SOCAR Özbəkistan holdinqi ilə birgə müəssisə yaradır

SOCAR və Özbəkistanın milli neft-qaz holdinqi olan "Uzbekneftqaz" birgə müəssisə yaradır.

Ölkə.Az APA-ya istinadən verdiyi məlumata görə, tərəflər paritet əsaslarla birgə müəssisənin yaradılması haqqında müvafiq memorandum imzalayıblar.

Birgə müəssisə Özbəkistanda neft-qaz sahəsində enerji texnologiyalarının tətbiqini nəzərdə tutur.

Bildirilir ki, SOCAR bu cür layihələrin reallaşdırılması üçün bütün lazımi avadanlıq və texnologiyalara malikdir.

Birgə müəssisənin yaradılması ilə bağlı təsis müqaviləsi 2016-cı ilin ilik yarısında imzalana bilər.

Ölkə.Az