İŞİD Suriya qırıcısını vurdu

Suriyaya məxsus təyyarə Rakka şəhərinin səmasında vurulub. Hadisə Suriya Hərbi-hava qüvvələrinin "İslam Dövlətinə" zərbə endirdiyi vaxtda baş verib.

Ölkə.Az "Sky news - Arabia" istinadən bildirir ki, zərbə nəticəsində həm İD döyüşçüləri, həm dinc sakinlər olmaqla ümumillikdə 8 nəfər dünyasını dəyişib.

"Sky news - Arabia"-nın verdiyi xəbər hələ də rəsmi Dəməşq tərəfindən təsdiq edilməyib.

Təyyarə Əl- Xusayvada yaşayış sahəsinə düşüb. Bir neçə ev tamamilə dağıdılıb, pilotun taleyi barədə heç bir məlumat yoxdur.

Endirilən zərbələr nəticəsində 8 nəfər həlak olub. Onların arasında İD üzvləri və dinc sakinlər olublar.

Xatırladaq ki, son zamanlar Suriya ordusu dəfələrlə "İslam Dövləti"-nə zərbələr endiriblər. 

Rəşid Mustafazadə

Ölkə.Az