Gürcüstanın yeni hökuməti təsdiqləndi

İrakliy Qaribaşvilinin vəzifədən getməsindən sonra gündəliyə daxil olub

Ölkə.Az xəbər verir ki, Gürcüstan parlamentinin deputatları 30 dekabr tarixində yeni baş nazir Georgi Kvirikaşvilinin rəhbərlik etdiyi nazirlər kabinetinə etimad göstəriblər.

Deputatlar həmçinin "Güclü, demokratik və vahid Gürcüstan üçün" hökumət proqramını dəstəkləyiblər. Deputatlar yeni hökumətin leyhinə 86, əleyhinə isə 28 səs veriblər.

Sizə Gürcüstanın yeni hökumətini təqdim edirik:

Baş nazir - Georgi Kvirikaşvili;
Energetika naziri, baş nazirin müavini - Kaxa Kaladze;
Maliyyə naziri - Nodar Xaduri;
Əmək, səhiyyə və sosial müdafiə naziri - David Sergeyenko;
İşğal olunmuş ərazilərdən daxili köçkünlər və qaçqınlar üzrə naziri - Sozar Subari;
Təhsil və elm naziri - Tamar Sanikidze;
Diaspora məsələləri üzrə dövlət naziri - Gela Dumbadze.
Daxili işlər naziri - Georgi Mgebrişvili;
Kənd təsərrüfatı naziri - Otar Daneliya;
Regional inkişaf və infrastruktur naziri - Nodar Cavaxişvili;
Gənclər və idman naziri - Tariel Xeçikaşvili;
Ədliyyə naziri - Teya Tsulukiani;
Mədəniyyət və abidələrin mühafizəsi naziri - Mixail Giorqadze;
Müdafiə naziri - Tinatin Xidaşeli;
İqtisadiyyat və davamlı inkişaf naziri, baş nazirin müavini - Dimitri Kumsişvili;
Xarici işlər naziri - Mixail Canelidze;
Probasiya və cəzaların icrası naziri - Kaxa Kaxişvili;
Ətraf mühitin və təbii ehtiyatların mühafizəsi naziri - Giqla Aqulaşvili;
Avropa və Avroatlantik strukturlara inteqrasiya məsələləri üzrə dövlət naziri - David Bakradze;
Barışıq, vətəndaş bərabərliyi məsələləri üzrə dövlət naziri - Paata Zakareişvili.

Xatırladaq ki, yeni hökumətin təsdiqlənməsi məsələsi baş nazir İrakliy Qaribaşvilinin vəzifədən getməsindən sonra gündəliyə daxil olub.

Rəşid Mustafazadə

Ölkə.Az