Gəncədə yarmarka keçiriləcək

31 Dekabr Dünya Azərbaycanlılarının Həmrəylik Günü və Yeni il bayramı münasibəti ilə şəhərdə kənd təsərrüfatı məhsulları yarmarkası təşkil olunacaq.

Ölkə.Az xəbər verir ki, Bayram süfrəsi üçün lazım olan müxtəlif çeşiddə ərzaq məhsulları- meyvə, şirniyyat, ət – süd məhsulları bazar qiymətlərinə nisbətən 30-35 faiz ucuz alıcılara təklif olunacaq.

Eyni zamanda Gəncə şəhərində 31 Dekabr Dünya Azərbaycanlılarının Həmrəylik Günü və Yeni il bayramı münasibəti ilə 3 mindən çox aztəminatlı ailələrə, şəhid ailələri, Qarabağ Müharibəsi əlilləri, eləcə də digər imtiyazlı ailələrə bayram sovqatı paylanılacaq.

Yarmarkadan dərhal sonra Baş Meydanda şəhərin musiqi kollektivi konsert proqramı ilə sakinləri təbrik edəcəklər.

Ölkə.Az