Ruslan İzzətlidən bayram təbriki
D18 Hərəkatının başqanı Ruslan İzzətli Azərbaycan xalqını Yeni il və dünya Azərbaycanlılarının Həmrəylik günü münasibəti ilə təbrik edib.
Təbrikdə deyilir:
"Sevgili millətim, sizi Dünya Azərbaycanlılarının Həmrəylik günü və Yeni il münasibətilə təbrik edirəm.
Bu il demokratik, ədalətli bir dövlət yaşamağınızı arzu edirəm. İllərdi Azərbaycan insanı iqtisadi problemlər məngənəsində əzilir. Ata övladına bir tikə çörək tapmaq üçün illərdi zülm çəkdi, ana qazan başında ilahi mən övladıma nə bişirəcəm deyə göz yaşı tökdü. Bu il də illərdir davam edən bu ənənənin davam etməməsi üçün bu idarə etməyə yox deməliyik. Bizim millət haqsızlığa, süründürməçiliyə dur deyəcək iradəyə və gücə qadirdir. Tanrının izni, millətimizin gücü ilə daha gözəl bayramlar qeyd edəcəyik.
Bir daha Hərəkatımız adından sizləri təbrik edirəm.
Ölkə.Az
