Quba-Xınalıq yolu bağlanıb

Dekabrın 30-dan 31-nə keçən gecə yağan güclü qar Quba-Xınalıq avtomobil yolunu bağlayıb.

Ölkə.Az xəbər verir ki, Qubanın Bostankeş, Qalaxudat və Xınalıq kəndlərinin rayonla əlaqəsi kəsilib.

Əraziyə Quba rayon 6 saylı Yol-istismar idarəsinin texnikası cəlb edilib. Hazırda Quba-Xınalıq yolunun 53-cü kilometrliyindən 57-ci kilometrliyinə qədər yol bağlıdır.

Yol-istismar idarəsindən "Report"a bildirilib ki, hazırda ərazidə iş gedir, Xınalığa gedən sürücülər bir qədər ehtiyatlı olmalıdırlar.

Xatırladaq ki, Quba-Xınalıq avtomobil yolunda bu il baş verən 4-cü analoji haldır. (Report)

Ölkə.Az