Diplomat İŞİD-in yaranmasına görə ABŞ-ı ittiham etdi

“2003-cü ildə Amerikanın İraqa hərbi müdaxiləsi səhv addım idi və “İslam dövləti” (İŞİD) kimi terror təşkilatlarının yaranmasına yol açdı”.

Ölkə.Az xəbər verir ki, bunu TASS-a açıqlamasında BMT Baş Məclisinin 70-ci sessiyasının sədri Moqens Lyukketoft deyib.

Onun sözlərinə görə, ABŞ-ın İraqa qoşun yeritməsinin yanlış olduğunu inkar etmək mümkün deyil.  

Diplomat bildirib ki, İraqa hərbi müdaxilə strategiyasını hazırlayanlar qəbul edilmiş qərarların hansı nəticəyə gətirib çıxaracağına dair dəqiq təsəvvürə malik deyildilər.    

“Nəticədə cəmiyyətdə fikir ayrılıqları gücləndi və İŞİD-in bərqərar olması üçün “bərəkətli” torpaqlar yarandı”.  

O təklif edib ki, BMT İraqda və Suriyada azlıqların müdafiəsinə böyük diqqət ayırmalıdır.

“Əks təqdirdə bizi uzunmüddətli vətəndaş müharibələrinin davamı gözləyir”,-deyə əlavə edib. (Modern.az)

Ölkə.Az