“Qarabağ”dan Qara Qarayevlə bağlı rəsmi açıqlama

Türkiyə Superliqa təmsilçisi "Mersin İdman Yurdu" "Qarabağ"ın yarımmüdafiəçisi Qara Qarayevin transferi üçün Ağdam klubuna rəsmi təklif göndərib.

Ölkə.Az xəbər verir ki, bu barədə "Mersin"in baş məşqçisi Bülənt Qorxmaz Azərbaycan mətbuatına açıqlamasında deyib. Belə ki, Qorxmaz Qara Qarayevin transferini klub rəhbərliyi qarşısına şərt qoyduğunu qeyd edib.

Məsələylə bağlı "Qarabağ"ın mətbuat xidmətinin rəhbəri Nurlan İbrahimovla əlaqə saxladıq. Klub rəsmisi Türkiyə təmsilçisindən Qara Qarayevə heç bir təklif olmadığını bildirdi:

"Qara Qarayevə görə "Qarabağ"a heç bir rəsmi təklif olmayıb. Qara hazırda xaricdə istirahətdədi. Ancaq bildiyim qədəriylə onunla da əlaqə saxlanılmayıb".

Xatırladaq ki, Bülənt Qorxmaz Qara Qarayevin transferiylə bağlı məsələnin yanvarın 4-də klubda keçiriləcək hesabat-seçki konqresindən sonra aydınlıq gələcəyini deyib. (Komanda.az)

Ölkə.Az