Polkovnik-leytenantın oğlu qətlə yetirilib, şübhəli təslim olub
Gəncədə 16 yaşlı yeniyetmə qətlə yetirilib.
Ölkə.Az “Qafqazinfo”ya istinadən xəbər verir ki, hadisə şəhərin Mahrasa bağı yaşayış massivində, 15 saylı uşaq bağçasının yaxınlığında qeydə alınıb.
İki yeniyetmə arasında mübahisə zamanı 2009-cu il təvəllüdlü Vaqif Rəfibəyli bıçaqlanıb. O, xəstəxanaya aparılarkən yolda ölüb.
Öldürülən Vaqif Rəfibəylinin atası Rövşən Rəfibəyli uzun illər ədliyyə sistemində çalışıb.
Polkovnik-leytenant R. Rəfibəyli Gəncə şəhərindəki istintaq təcridxanasında rejim-nəzarət şöbəsinin rəisi vəzifəsini icra edib. Bu yaxınlarda yaş həddi ilə bağlı təqaüdə çıxıb.
Hadisənin 18 yaşlı R.Cəfərov tərəfindən törədildiyi bildirilir, o, polisə gedərək təslim olub.
