Nərimanovda fərdi yaşayış evində partlayış olub - YENİLƏNİB

Nazirlikdən Ölkə.az-a verilən xəbərə görə, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Hadisə yerində əməliyyat şəraitinin qiymətləndirilməsi zamanı vətəndaşa məxsus fərdi yaşayış evinin mətbəxində, ilkin ehtimala görə qaz sızması nəticəsində yanğınla müşayiət olunmayan partlayışın baş verdiyi müəyyən olunub.

Partlayış dalğasının təsirindən evə ziyan dəyib, bir nəfər müxtəlif dərəcəli xəsarətlər alıb. FHN-in qüvvələri tərəfindən hadisə yerində müvafiq təhlükəsizlik tədbirləri həyata keçirilib. Hadisə ilə əlaqədar aidiyyəti qurumlar tərəfindən araşdırma aparılır.

***

Bakı şəhəri Nərimanov rayonunda fərdi yaşayış evində partlayış olub.

Ölkə.Az APA-ya istinadən xəbər verir ki, hadisə Ceyhun Hacıbəyli küçəsində qeydə alınıb.

İlkin məlumata görə, partlayış qaz sızmasından olub. Əraziyə FHN qüvvələri və təcili tibbi yardım briqadaları cəlb edilib.

Əldə olunan məlumata görə, partlayış fərdi yaşayış evinin mətbəxində baş verib.

Partlayış nəticəsində ev sahibi Afilya Göyüşova yanıq xəsarətləri alıb.

O təcili tibbi yardım vasitəsilə xəstəxanaya çatdırılıb.