500 nəfər Aralıq dənizində yoxa çıxıb

Beynəlxalq miqrasiya təşkilatı 500 qaçqnın həyatının təhlükədə olduğu barədə təcili xəbər yayıb.

Ölkə.Az xəbər verir ki, ilk məlumatı açıq dənizdə italyan gəmisi tərəfindən tapılan iki nəfər ötürüb.

Fələstin qaçqınları olan iki nəfər Misir, Suriya və Sudandan olan digər qaçqınlarla bir gəmidə olduqlarını bildiriblər.

 500 nəfərlik heyətlə gəmi Misirdən Avropaya üzürmüş.

Yol zamanı faktiki olaraq insan alveri ilə məşğul olan şəxslər gəmidən digər, daha kiçik ölçüyə malik gəmiyə köçməyi tələb ediblər. Qaçqınlar isə digər gəminin kiçik olduğunu və heyət üzvlərinin hamısının yerləşməyəcəyini bilib köçməkdən imtina ediblər. Bunu görən quldurlar atəş açaraq gəmini tamamiə batırıblar.

Xatırladaq ki, bu gün Liviyada daha bir gəminin batması xəbəri yayılmışdı. 

200 nəfər heyəti olan gəmi sahildən aralanmamış çevrilmişdi. Onlardan yalnız 36-sı xilas edilmiş, qalanlarının meyitləri isə hələ də xilas edilməmişdi.

Rəşid Mustafazadə

Ölkə.Az