"Ağbulaqda insanlar təbiətin qorunmasına xüsusi diqqət yetirir"
Şahbuz rayonunun Ağbulaq kəndində turizm üçün zəruri infrastruktur yaradılıb, təbiətin qorunması və ekoloji balansın saxlanılması istiqamətində ardıcıl tədbirlər görülür.
Ölkə.Az xəbər verir ki, bu sözləri Naxçıvana təşkil olunan mediatur çərçivəsində jurnalistlərə müsahibəsində turizm eksperti Natiq Paşayev deyib.
Mütəxəssis bildirib ki, Naxçıvanın ekoturizm potensialı çoxşaxəlidir və bu imkanların yerli və beynəlxalq mediada daha geniş tanıdılması vacibdir: “Ağbulaq kəndi və ətraf ərazilər həm iqlim, həm də relyef baxımından ekoturizm üçün ideal məkandır. Burada yaşayan insanlar təbiətin qorunmasına xüsusi diqqət yetirir, bu isə turizm fəaliyyətinin davamlı inkişafına şərait yaradır".
