Krımda Məclisin binasına silahlı hücüm baş verib

Bu gün anneksiya edilmiş Krımın krım türklərinə məxsus Məclis binasına hücüm baş verib.

Ölkə.Az "Крым.Реалии"-a istinadən bildirir ki, bu barədə Məclis üzvü, "Krım Fondu" adlı xeyriyyə təşkilatının başçısı Riza Şevkiyev məlumat verib.

Onun sözlərinə əsasən, saat 03:15-də Siferopolda yerləşən Məclisin binasına üç naməlum şəxs yaxınlaşıb. Onların hər üçünün üzü bağlı olub.

İki nəfər kişi, birinin əlində tapança olmaqlaa, giriş qapısının qarşısında dayanaraq binaya girişi bağlayıblar.

Şevkiyev əlavə edir ki, bu vaxt üçüncü şəxs qaz borusu vasitəsilə qalxaraq binadan asılmış Ukrayna bayrağını qırararaq yerə atmışdı.

"Bayraq yerə düşəndən sonra naməlum şəxslər onu götürərək hadisə yerindən uzaqlaşmışdılar. Bu hadisə iki dəqiqə ərzində baş verib. Beləliklə, bu əvvəlcədən hazırlanmış əməliyyat idi."- deyə Şevkiyev bildirib.

Hücüm müşahidə kamerası vasitəsilə yazılıb və görüntülər hüquq-mühafizə orqanlarına təqdim olunacaq.

Xatırladaq ki, bu ilk belə hadisə deyil. Məclis binasındakı başıbəlalı Ukrayna bayrağı dəfələrlə mühafizə orqanlarının hadisə yerinə gəlməsinə səbəb olmuşdu.

Rəşid Mustafazadə

Ölkə.Az