Putinin "sevgilisi" Dövlət Dumasını tərk edir

"Vahid Rusiya" partiyasının deputatı, Alina Kabayeva Rusiya Dövlət Dumasını tərk edir

Ölkə.Az «Интерфакс»-a istinadən xəbər verir ki, reqlament üzrə Dövlət Dumasının komitəsi idmançı deputatın istəyini nəzərə alaraq onun bütün səlahiyyətlərdən azad edilməsi üçün aşağı palataya müraciət edib.

Komitə sədri Serqey Popovun bildirdiyinə görə, Kabayevanın gedişi digər işə keçməsi ilə əlaqədardır.

Kabayevanın gələcəkdə hansı işlə məşğul olacağı barədə isə Popov heç bir fikir söyləməyib.

Serqey Popov onu da əlavə etdi ki, analoji mürciətlər eyni partiya mənsublarından da gəlib. Onalrın sırasında "Vahid Rusiya" partiyasının deputatları Aleksandr Boqomazov və Viktor Zubaryovun adlarını qeyd etmək olar.

Qeyd edək ki, 31 yaşlı Alina Kabayeva Dövlət Dumasının 5-ci (2007-2011) və 6-cı (2011-dən) çağırış deputatı olmuşdu. O, bədii gimnastika üzrə 2000-ci il Olimpiya oyunlarında bürünc, 2004-cü ildə isə qızıl medal qazanmışdı.

Xatırladaq ki, Rusiya prezidenti Putinlə Dövlət Dumasının deputatı, bədii gimnastika üzrə dünya çempionu Alina Kabayeva barəsində dəfələrlə söz-söhbət yayılıb, onların sevgili olduqları qeyd edilib. Hətta tatar əsilli gimnast Alina Kabayevanın Putindən bir qız övladı dünyaya gətirdiyi bildirilir.

Rəşid Mustafazadə

Ölkə.Az