Azərbaycanlı direktor Kiprin baş naziri ilə eyni tədbirdə

Bakı Uşaq Teatrının direktoru-bədii rəhbəri, rejissor, aktyor İntiqam Soltan Şimali Kipr Türk Cümhuriyyətindən səfərdən qayıdıb.

Teatrdan Ölkə.az-a verilən məlumata görə, Şimali Kipr Türk Cümhuriyyətinin Narkotika ilə Mübarizə Komissiyasının rəhbəri Hasan Karaokçu tərəfindən dəvət almış İntiqam və Arzu Soltan paytaxt Lefkoşa şəhərində Kiprdə qurumun yaradılmasının bir illiyi münasibətilə keçirilən tədbirdə iştirak ediblər.

Tədbirdə Şimali Kipr Türk Respublikasının baş naziri Özkan Yorğancıoğlu və digər dövlət rəsmiləri iştirak ediblər. Tədbirdən sonra İntiqam Soltanın Kiprdə tamaşa hazırlaması məsələsi müzakirə olunub. Narkomaniya ilə mübarizə kompaniyası çərçivəsində demək olar ki, Azərbaycanın bütün rayon, universitet və kolleclərində nümayiş olunmuş, ssenari müəllifi Arzu Soltan, quruluşçu rejissoru İntiqam Soltan olan “Həyatla oyun” tamaşasının Kiprdə səhnələşdirilməsi planlaşdırılır. Azərbaycan və Kipr aktyorlarının birgə ifasında bu tamaşanın həm Azərbaycanda, həm də Kiprdə nümayişi nəzərdə tutulur. Tədbirdə kiprli aktyorların ifasında İntiqam Soltanın quruluşunda “Həyatla oyun” tamaşasından bir parça da nümayiş olunub.

Ölkə.az