Bu ölkədə fövqəladə iqtisadi vəziyyət elan edildi

Venesuela prezidenti Nikolas Maduro ölkədə fövqəladə iqtisadi vəziyyət elan edib.

Ölkə.az xəbər verir ki, dövlət büdcəsinin əsas gəlirləri neft ixracından olan Venesuela qara qızılın qiymətlərinin düşməsi ilə birlikdə ciddi maliyyə böhranı ilə üzləşib.

Valyuta rezervləri tükənən və milli sənayesi çox zəif olan bu Latın Amerikası ölkəsi uzun illərdir apardığı antiamerika siyasəti ilə dünyanın diqqət mərkəzindədir.

Ölkədə dərinləşən böhrandan çıxış yolu axtaran prezident Maduro hökumətə yeni göstərişlər verib və böhrandan çıxış yolları tapmaq üçün vaxt verib.

Analitiklərin fikrincə bütün bu qərarlar gecikmiş qərarlardır və ölkənin bu böhrandan yeganə çıxış yolu neftin qiymətlərinin artmasıdır.

Ölkə.az