Əli Mirəliyevdən sensasion açıqlama: \"Könülün dodağından da...\"

Tanınmış müğənni Əli Mirəliyevin həmkarı Könül Kərimovanı öpməsi maqazin gündəminin əsas mövzusuna çevrilib.

Mirəliyev Ölkə.az-a açıqlamasında baş verənlərə aydınlıq gətirib. O, bildirib ki, Könül Kərimovanı öpdüyü anı dəqiq xatırlamır:

"Dəqiq yadımda deyil necə öpdüm. Amma gördüm ki, müsahibə verir, gəldim öpdüm, qucaqladım. Dodağı boyalı idi, qorxdum ki, ağzıma yapışar. Yoxsa dodağından da öpərdim. Könülü çox istəyirəm. Orda başqa fikirlər yazırlar. Ancaq mən qoca kişiyəm. Könülün səsi, şirinliyi, musiqi duyumu çox xoşuma gəlir. Gözəl xanımdır, gözəl müğənnidir, əla dostdur. Onunla heç vaxt dalaşa bilməzsən. Bu hər müğənnidə olan şey deyil. Könülü o qədər çox istəyirəm ki, heç kameralara fikir vermədim".

Xatırladaq ki, sözügedən görüntülər "ATV maqazin onlarla" verilişində yayımlanmışdı.

İntiqam VALEHOĞLU
Ölkə.az