Əməkdar artist Yadigar Muradovun vida və dəfn yeri BİLİNDİ
"Ölkə.Az" xəbər verir ki, bu barədə teatrın "Facebook" sosial media hesabında paylaşım edilib.
Bildirilib ki, o, müalicə aldığı xəstəxanada həyata gözlərini yumub.
Xatırladaq ki, səhhəti pisləşən Yadigar Muradov oktyabrın 4-də xəstəxanaya yerləşdirilmişdi.
Muradov Yadigar Məmməd oğlu 1958-ci ildə Ağdam rayonunun Novruzlu kəndində anadan olub. 1980-ci ildə İncəsənət İnstitutunun dram və kino aktyorluğu fakültəsini bitirib. Təyinatla bir müddət Ağdam Dövlət Teatrında işlədikdən sonra, Şuşa Mədəni-Maarif Texnikumunda öz ixtisası üzrə dərs deməyə dəvət olunan Yadigar Muradov 1990-cı ilə qədər bu texnikumda aktyorluq ixtisasından və səhnə danışığından dərs verib. 1990-cı ildə Şuşa Dövlət Musiqili Dram Teatrı yaradılandan bu günə qədər teatrın direktorudur. 2024-cü ilin yanvar ayında oqranizmində xərçəng xəstəliyi aşkarlanıb.
Ailəli olub, 3 oğlu var idi.
21 dekabr 2018-ci il tarixində "Tərəqqi" medalı ilə təltif edilib.
8 may 2025-ci ildə Prezident Mükafatına layiq görülüb.
Əməkdar artist ilə vida mərasimi Şuşa Dövlət Musiqili Dram Teatrında keçiriləcək.
Vida mərasimi saat 12:00-da baş tutacaq.
Daha sonra onun nəşi torpağa tapşırılmaq üçün Badamdar qəbiristanlığına aparılacaq.
