Təsadüfən içsəniz də həyati təhlükə yarada bilər

Ölkə.Az xəbər verir ki, bu, “Nutrients” jurnalında dərc olunan yeni bir icmalda sübut edilib. 

Tədqiqat analizinə klinik müşahidələr daxil edilib və onların əksəriyyəti geniş spektrdə mənfi təsirlərə işarə edir — təzyiqin artmasından və aritmiyalardan başlayaraq qaraciyər və pankreasın zədələnməsinə qədər.

Tədqiqatın müəllifi qeyd edir ki, riskin əsas mənbələri energetik içkilərin xarakterik tərkib hissələridir — yüksək dozalarda kofein, taurin, glükuronolakton, eləcə də şəkər və süni dadlandırıcılar. Eyni zamanda, içkilərin komponentləri dərmanlarla qarşılıqlı təsir göstərə bilər: xüsusilə kofein, dərmanların təsirini gücləndirə və ya zəiflədə, yan təsirlər riskini artıra bilər.

Ekspertləri ən çox narahat edən məqam isə energetik içkilərin yeniyetmələrə və gənclərə fəal şəkildə reklam olunması və onların dövriyyəsinin tənzimlənməsinin çox zəif olmasıdır. Tədqiqatçılar qanunvericilik normalarının yenidən nəzərdən keçirilməsini və uşaqların və yeniyetmələrin belə məhsullara çıxışının məhdudlaşdırılmasını tövsiyə edirlər.

Müəlliflərin sözlərinə görə, energetik içkilər “qalxmaq üçün vasitə” deyil, ürək və digər orqanların ciddi pozulmalarını provokasiya edə bilən bir faktordur.