Mərkəzi Bank terrorçuluğun maliyyələşdirilməsinə qarşı mübarizəni gücləndirir

Azərbaycan Mərkəzi Bankı yanında Maliyyə Monitorinqi Xidməti tərəfindən cinayət yolu ilə əldə edilmiş pul vəsaitlərinin və ya digər əmlakın leqallaşdırılmasına və terrorçuluğun maliyyələşdirilməsinə qarşı milli mübarizə sisteminin effektivliyinin yüksəldilməsi məqsədilə “Müsadirə və cinayət yolu ilə əldə edilmiş əmlakın bərpasına dair ən yaxşı təcrübə” sənədi hazırlanıb.

Bu barədə Maliyyə Monitorinqi Xidmətindən Ölkə.Az-a bildirilib. 

“Bu sənəddə əksini tapmış qətimkan tədbirləri və müsadirə cinayət yolu ilə əldə edilmiş pul vəsaitlərinin və ya digər əmlakın leqallaşdırılması və terrorçuluğun maliyyələşdirilməsinə qarşı effektiv mübarizə sisteminin vacib elementlərindəndir.
 
Metodoloji sənəddə cinayət yolu ilə əldə edilmiş əmlakın izlənilməsi, dondurulması, üzərinə həbs qoyulması, müsadirəsi, sübutetmə yükü, müsadirə edilmiş əmlakın idarə edilməsi və beynəlxalq əməkdaşlıq ilə bağlı digər dövlətlərdə mövcud olan ən yaxşı təcrübə və bu sahədə beynəlxalq standartlar izah olunur”, - deyə Xidmətdən qeyd edilib. 
 
Sözügedən metodoloji sənəd Mərkəzi Bank yanında Maliyyə Monitorinqi Xidməti rəsmi internet səhifəsində//www.fiu.az/aze/metodologiya/linkində yerləşdirilib.

Ölkə.Az