Qırmızı kürü sevənlərə ölümcül təhlükə barədə xəbərdarlıq edildi
Qırmızı kürüdə anizakidlər ola bilər, bunlar dairəvi qurdlara aid bir parazit növüdür. Parazitlər balığın əzələlərində, daxili orqanlarında və hətta kürüsündə yaşayır.
Ölkə.az xarici KİV-ə istinadla xəbər verir ki, parazitin orqanizmə düşməsinin nəticələri arasında səpgilər, allergik reaksiyalar, həmçinin dəridə qızartılar ola bilər. Əgər ürəkbulanma, ishal kimi əlamətlər yaranarsa, dərhal həkimə müraciət etmək lazımdır.
Parazitoloq Yevgeni Morozovun sözlərinə görə, özbaşına müalicə aparmaq həyati təhlükə yarada bilər.
Mütəxəssislər xəbərdarlıq edirlər ki, yoluxma riskindən yayınmaq üçün kürünü çəki ilə, bazarlarda və ya internet elanları vasitəsilə almaq olmaz. Məhsulu yalnız mağazalardan və etibarlı istehsalçılardan seçmək lazımdır. Üstünlük şüşə bankalara verilməlidir, çünki şəffaf qablaşdırma sayəsində məhsulun görünüşünü almazdan əvvəl qiymətləndirmək mümkündür.
Həmidə İbrahimova
