Yeniyetmə qızın başına 11 tikiş vuruldu: Bakıda "qorxu evi"ndə nə baş verib? - VİDEO
Ölkə.Az xəbər verir ki, valideynin sözlərinə görə, övladı heç bir nəzarət olmadan sənəd imzalamağa məcbur edilib və yeniyetmələr 26 manat ödəniş etdikdən sonra oyun otağına daxil olublar.
Orada işçilərin uşaqlara qarşı zorakı davranıldığı bildirilir. Onlar narazılıqlarını ifadə etsələr də, oyunun dayandırılmadığı iddia olunur.
"Mənimm belimdən itələyəndə şkafa başım dəyir, yıxılıram yerə. Huşumu itirirəm. Administrator içəri daxil olur və üzümə baxaraq nalayiq ifadə işlədir - "Nə günə düşdü bu?!", - zərərçəkən yeniyetmə bildirib.
Qarşı tərəf isə iddiaları rədd edir və hadisələrin müşahidə kameraları vasitəsilə çəkildiyini söyləyir. Lazım olduğu təqdirdə görüntülərə baxmağı təklif edir.
"Xanımların özləri oyunu "hard rejim seçiblər. Özlərini 18 yaşında təqdim ediblər və bizə saxta şəxsiyyət vəsiqəsi göstəriblər", - əyləncə mərkəzinin əməkdaşı söyləyib.
Qeyd edilir ki, zərərçəkən yeniyetmənin alnına 11 tikiş vurulub.
Daha ətraflı İTV-nin süjetində:
