İŞİD-ə daha bir zərbə
Əfqanıstanda ABŞ dronunun raket zərbəsilə özünü İslam Dövləti (İD) adlandıran qruplaşmanın 17 silahlısı öldürülüb, yerli rəsmilər bildirir.
Hava hücumunun Pakistanla həmsərhəd Nəngərhar vilayətində baş verdiyi bildirilir.
Yerli qubernatorun mətbuat katibinə əsasən həmlə vaxtı İD silahlıları 7 talibançını “edam etməyə” hazırlaşırmışlar.
Əfqanıstan mətbuatı hava zərbəsi nəticəsində iki mülki şəxsin həlak olduğunu da qeyd edib.
Hadisə barədə Pakistan mediası da xəbər verir.
ABŞ ordusu dron hücumu ilə bağlı xəbərə münasibət bildirməyib. 2015-ci ildə İD Əfqanıstan boyunca fəaliyyət göstərən Xorasan bölməsini təsis edib. O zamandan bəri Taliban hərəkatı ilə İD arasında qarşıdurma halları qeydə alınmaqdadır.
21-ci əsr xəlifəliyi: İŞİD niyə müasir cihad aparır?
Ötən ilin əvvəlində drondan atılan raketlə Əfqanıstandakı İD qüvvələrinin komandiri olduğu deyilən molla Əbdul Rauf öldürülmüşdü.
Yerli kəşfiyyat məlumatlarına əsasən ölkədə İD silahlılarının sayı çox güman ki, 3 mindən artıq deyil. Əfqanıstanda İD təbliğatını yayımlayan radiostansiya fəaliyyət göstərir. (musavat)
Ölkə.AZ
