Kerri: “Dörd gözlə gözləyirəm”

ABŞ Dövlət katibi Con Kerri Türkiyəyə səfəri çərçivəsində jurnalistlərin suallarını cavablandırıb.

Ankaraya bir çox məsələlərin həlli istiqamətində müzakirələr aparmaq üçün gəldiyini deyən ABŞ Dövlət katibi müzakirə aparılası çox mövzunun olduğunu bildirib:

“Biz Türkiyə ilə NATO çərçivəsində müttəfiqik. Amma münasibətlərimiz bununla bitmir. Livandan Maliyə, Afrika Burnundan Yaxın Şərqə qədər bir çox müzakirə ediləsi mövzu var. Bunlara İraqda yaranmış vəziyyəti də əlavə etmək lazımdır”.

Son illərdə Davudoğlu ilə sıx əlaqədə olduğunu deyən Kerri hazırkı Xarici İşlər naziri Mövlud Çavuşoğlu ilə də yaxın zamanlarda ortaq münasibətlərin qurulacağına ümid etdiyini bildirib:

“Son illərdə ən yaxın əlaqələrimdən birini Əhməd Davudoğlu ilə qurmuşdum. Çox tez-tez görüşürdük. İndi Davudoğlu Baş nazir oldu. Hazırda da hörmətli Mövlud Çavuşoğlu ilə olan əlaqələrimizi bu səviyyəyə çatdırmalıyıq. Bir-birimizi çox qısa bir zamanda tanıma fürsəti tapdıq. Bu gün də çox dərin mövzularda müzakirələr apardıq. Hörmətli Baş nazir Davudoğlu və dostum Ərdoğan ilə keçirəcəyim görüşü dörd gözlə gözləyirəm”. (axar.az)

Ölkə.Az