"Boko Haram" 2 milyonluq şəhəri mühasirəyə aldı

"Boko Haram" yaraqlıları  Borno ştatının paytaxtını mühasirəyə aldı

Nigeriyadakı "Boko Haram" qruplaşması ölkənin ən böyük əyalətlərindən biri oloan Borno ştatının paytaxtını mühasirəyə alıb.

Ölkə.az "BBC News"a istinadən xəbər verir ki, yaraqlılar şəhərin bütün giriş vı çıxışlarını bağlayıblar.

Hazırda iki milyonluq Mayduquri şəhərində vəziyyətin gərgin olduğu bildirilir. Məlumatlara görə, "Boko Haram"ın artan aktivliyi şəhər əhalisi və ordu arasındakı münasibəti də qopma həddinə çatdırıb. Kanal xəbər verir ki, yerli əhali ordudan daha aktiv olmağı və radikal qruplaşmanı şəhərə buraxmamağı tələb edib.

Xatırladırıq ki, "Boko Haram" son aylar ərzində Nigeriyanın onlarla şəhərini və yaşayış məntəqəsini ələ keçirərək böyük əraziyə sahib olub. Nigeriya hökuməti isə "Boko Haram"ın ələ keçirdiyi bölgələri" fövqəladə vəziyyət zonası" elan edib.

Ölkə.az