MKİ: "İŞİD-in sıralarında 30 mindən çox yaraqlı döyüşür"

ABŞ Mərkəzi Kəşfiyyat İdarəsi yeni hesabat yayımlayıb.

Ölkə.az Rusiyanın RBK kanalına istinadən xəbər verir ki, ABŞ kəşfiyyatı İŞİD haqqında tam təfsilatlı məlumatları bu hesabatında yayımlayıb.

Hesabata görə, "Xilafət ordusunun" döyüşçülərinin sayı 20 mindən 31,5 minə qədərdir. Hesabatı mətbuatla bölüşən MKİ-nin mətbuat katibi Rayan Trapani bu ilin əvvəlində İŞİD-in sıralarında döyüşənlərin sayının 10 min civarında olduğunu və belə bir qısa müddət ərzində təşkilatın öz "ordusunun" sayını üç dəfə artırdığını vurğulayaraq bunun bütün region üçün çox ciddi bir təhdid olduğunu bildirib.

MKİ rəsmisi İŞİD-in müsəlman gənclər arasında çox populyar olduğunu, təşkilatın son uğurlarının onları ruhlandırdığını deyərək, Xilafətin elan olunmasının təşkilata minlərlə döyüşçü qazandırdığını vurğulayıb.

Ölkə.az