İstanbulda baş verən qanlı olayla bağlı AXCP başsağlığı mesajı yayıb

Ölkə.Az həmin başsağlığı mesajını sizə təqdim edir:

Bu gün qardaş Türkiyədə baş verən terror aktı partiya olaraq bizi dərindən kədərləndirdi.

Terror aktları hər zaman günahsız insanların amansızcasına qətlinə hesablanıb. Bu qanlı hadisəni törədənlər ən amansız, ən sərt cəzaya layiq cinayətkarlardır. İnanırıq ki, tez bir zamanda Türkiyə qatilləri aşkar edib cəzasını verəcək və onu da bilirik ki, şanlı türk ulusunu bu yollarla qorxutmaq olmaz.

Biz Azərbaycan Xalq Cəbhəsi Partiyası olaraq türk qardaşlarımıza, Türkiyə dövlətinə, hadisədə şəhid olanların yaxınlarına dərin hüznlə başsağlığı verir, hər zaman Türkiyənin yanında olduğumuzu bildiririk.

Vətən Sağolsun!

Ölkə.Az